“ТАҒЫЛЫМ” айдары

Енші бөлу- қазақ салтында қара шаңырақ заңында ұлына отау көтеріп бөлек шығарғанда, оған мал- мүлік береді. Оны қазақ «енші бөлу», «енші беру» деп атайды. «Еншіңді алдың, еңіремей өмір сүр», «Ер жеттің жеке үй болдың, тізгін- шылбыр қолыңда, шаңырақтың ауыр- жүгі мойныңда» деп, ұрпағына жеке өмір сүрудің жолын нұсқайды, еншісіне ие болуды үйретеді.Қазақ ұрпақтары қара шаңырақтан алған еншісін ырымдап,ешкімге бермей күтіп ұстайды,қадірлеп сақтайды,онда «құт бар» деп нанады,оны басқаға берсе құт ілесе кетеді деп үлкендердің көзіндей көріп, қорғайды,аялады.Мал болса,беталды соймайды,малдың басы кетсе,шаңырақтан бас кетеді,кедейлік басады деп ырымдайды.

“ТАҒЫЛЫМ” айдары

Барымта- қазақтың ескі ғұрпында мал- мүлкін басқа бір жат рудың адамдары талап,жаулап,айдап алғанда оған есесі кеткен ел араларынан атпал батыр азаматтарын барымтаға жібереді.Олар қарсы жағына қару алып, қарсылық көрсетіп, күшпен боспалап, мал айдап алады. Не мал ұрлаған ұрыларын айыпқа жығып, жеңіспен ауылына оралады.

9 мамыр – Жеңіс күні!

Құрметті ардагерлер мен тыл еңбеккерлері! Сіздерді Отан қорғаушылар және Ұлы Жеңіс мерекелерімен шын жүректен құттықтаймыз! Осы айтулы күндер – қазақстандықтардың барлық буынын біріктіретін, шын мәніндегі жалпыхалықтық мейрамдар.

Жеңіс күні – тарихи естеліктер жаңғырып, болашақ ұрпаққа бейбіт күннің қадір-қасиетін өсиет ретінде жеткізетін күн. Бұл мейрам еліміздің ертеңі үшін жанын пида еткен қаһарман аға-апаларымыздың ерліктерін еске түсіреді. Айтулы мерекелер қарсаңында соғыс және тыл ардагерлерінің жанқиярлық ерліктерін бағалап, тағзым етеміз.

Құрметті ардагерлер мен тыл еңбеккерлері! Сіздерге және байтақ Отанымызды қорғап жүрген барлық әскерилерге зор денсаулық, құт-береке тілейміз!

Игі тілекпен: Ақтөбе облысының Тілдерді дамыту басқармасы Тілдерді оқыту орталығы#9мамыр#жеңіскүні#1941-1945

Отан қорғаушылар күні құтты болсын!

Еліміздің тыныштығы мен бейбіт тірлігінің сақшылары Отан қорғаушылар күні құтты болсын! Осындай ерекше күні сіздерге бейбіт өмір, баянды бақыт, татулық пен береке-бірлік тілейміз.

“Мәңгі өшпес ұлы ерлік” танымдық сабақ

Ақтөбе облысының Тілдерді оқыту орталығында 9 мамыр – Жеңіс күніне орай “Мәңгі өшпес ұлы ерлік” танымдық сабақтар циклі аясында Кеңес Одағының батыры Талғат Бигелдинов туралы сабақ өтті. Сабақ барысында батыр атамыздың өмірі , ерлік жолы туралы айтылды.Оқытушы: Нұржанова А.

Онлайн режимде кездесу өтті

Білім және ғылым вице-министрі Ғ.Б.Бейсембаевтың Тілдерді дамыту басқармаларының басшылары, жауапты мамандары жіне тілдерді оқыту орталықтарының директорлары және оқытушыларымен онлайн режимде кездесу өткізді. Кездесу барысында тілдерді оқыту орталықтары атқарылған жұмыстарының есебін берді. Мемлекеттік тілдің мәртебесі жайында көптеген мәселелер туралы сөз қозғалды.

“ТАҒЫЛЫМ” айдары

“ТАҒЫЛЫМ” айдары ТҰЛЫМ ҚОЮ-қазақ кішкентай қыздарға тұлым қояды. Кішкене қыздардың шашын ұстарамен айнадай етіп қырады да, екі шекесіне екі шөкім шаш қалдырады. оны қазақ “тұлым” деп атайды.Қазақ тұлымды ырымдап қояды. Бірі-қызымыз сұлу, сымбатты көрінеді,енді бірі тұлым тұмарша орнына жүреді деп біледі. Бала келе жатқанда “тұлымды қыз келе жатыр” деп еркелетеді.Тұлымға маржан тас қосып өреді.Онысы-тіл мен көзден сақтасын дегені

Ағылшын тілі сабақтары жалғасуда

Ақтөбе облысының Тілдерді оқыту орталығында онлайн сабақтар жалғасуда. Қазақстан Республикасының мекендеген ұлттар мен ұлыстар достығы және бірлігіне арналған «Day of Unity of the people of Kazakhstan» тақырыбындағы ашық сабақ өтті.