8 маусым күні орталық қызметкерлері Ақтөбе облысының тілдерді дамыту басқармасымен бірге “Таза Қазақстан” экологиялық акциясына өз үлестерін қосып, “Тұңғыш Президент” паркінде сенбілік өткізді.
Қала тазалығы мен көркін арттырар бұл шара барысында ақтөбелік жастар мен отбасылардың сүйікті әрі көп демалатын орнына айналған парк сәні арта түсті.
М.Оспанов атындағы Батыс Қазақстан Мемлекеттік университеті қызметкерлері 72 сағат А1 және А2 деңгейдегі ағылшын тілі курсын аяқтап, “Ақтөбе облысының тілдерді дамыту басқармасы” ММ “Тілдерді оқыту орталығы” КММ сертификаттарына ие болды.
Топ оқытушысы Гүлдана Айниқызы тыңдаушыларға алғысын білдіріп,сәттілік тіледі.Тыңдаушылар ағылшын тілін әрі қарай жалғастырып оқуға ниет білдірді.
4 маусым күні Тілдерді оқыту орталығының директоры К.Х.Серғазина Қазақстан Республикасы ІІМ М.Бөкенбаев атындағы Ақтөбе заң институты қызметкерлерімен тілдік дискриминацияға жол бермеу және алдын алу мақсатында кездесуге барды.
Кездесуде тілдік белгісі бойынша азаматтардың құқығын кемсітушілікке жол бермеу және де мемлекеттік қызметкерлер арасында қазақ тілінің басымдылыққа ие болу керектігі жөнінде сөз қозғалды. Шара соңында Клара Хакімғалиқызы 4 маусым – Мемлекеттік рәміздер күнімен құттықтады.
«БІЗ АҚПАРАТ АЙДЫНЫНДА» айдары
Біз туралы «Tilorta.kz» сайтының 01.06.2024 жылғы жаңалықтарынан оқи отырыңыздар. 📌 https://tilorta.kz/events/58-aqtobe-oblysynyn-tilderdi-damytu-basqarmasynyn-tilderdi-oqytu-ortalygy-qazaqstan-halqy-assambleyasy-zhanyndagy-memlekettik-tildi-daripteuge-arnalgan-mamile-til-klubynyn-algashqy-ush-otyrysyn-otkizdi/
Тілдерді оқыту орталығының директоры К.Х.Серғазина Қазақстан Республикасы ІІМ М.Бөкенбаев атындағы Ақтөбе заң институты қызметкерлерімен кездесті. Кездесу барысында Клара Хакімғалиқызы «Малкеджар Бөкенбаевқа 100 жыл» естелік төсбелгісімен марапатталды.
Заң иститутымен 2009 жылдан бері 15 жылғы әріптестік байланыстың, оқыту курстары мен түрлі форматтағы іс-шараларға, кездесулердің өтуіне үлес қосып, белсенді атсалысқан бірнеше жылдық еңбегіңіздің нәтижесі болған наградаңыз құтты болсын!
Ақтөбе облысының Әділет департаменті қызметкерлері Тілдерді оқыту орталығына мемлекеттік тілді меңгеруге өтініш білдірген болатын. Аталған мекеме қызметкерлерінен тұратын В1 деңгейі бойынша жаңа топ ашылды.
Бүгін Әділет департаментіндегі тыңдаушыларымызға мемлекеттік тіл курсы басталды. 👩🏻🏫 Оқытушы: Аманкельдиева Гүлнұр
